DILI-Direitór Nasional Formasaun Profesional (DNFP),Higinio Fereira informa, aeromosa nain 5 ne’ebé foin lalais gradua, servisu ona iha Aviaun sriwijaya no hahu ona halo rute provisorio husi Surabaya, Bali no Dili Timor Leste.
“Uluk iha sira nain sanulu maibe ikus mai nain lima deit mak graduadu no nain lima seluk tenke fila fali mai TL tanba laliu e ida liu mas tanba hetan moras entaun labele halo graduasaun,”informa Higino, ba Timor Post iha SEPFOPE, tersa (15/12).
Aeromosa nain lima ne’ebe hetan ona susesu ne’e akompaña ona rute provisoriu semo hosi Surabaya, Bali no Bali, Dili, ne’e hatudu katak aeromosa nain lima ne’e iha duni interese ne’ebé bo’ot no hodi lori TL nia naran ba iha mundu internasional katak TL maske rai ne’ebe ki’ik maibe bele mos hanesan nasaun sira seluk.
Direitór Nasional Formasaun Profesional ne’e mos hato’o parabens ba aeromosa nain lima ne’e, no husu atu sira nain lima ne’e kontinua mantein disiplina no regras aeromosa nian hodi hamorin naran TL iha internasional.(cos)
