 |
DILI– Produsaun rai laran sei menus governu Timor Leste liu husi Ministeriu Comersiu Industria kontinua importa fos husi rai liur. Tanba nee, Ministeriu Agrikultura no povu agrikultores tenke iha politika no kooperasaun neebe mak diak atu bele hamenus redus importasaun fos husi rai liur.
Kestaun nee fo sai husi Administrador
Centro Lojistik Nasional CLN, Niviu Magalhaens ba STL Kinta (07/09/2017)
iha nia knar fatin Bebora Dili.
Hau hanoin atu hapara importasaun husi
rai liur, nee susar tanba haree ba produsaun iha rai laran seidauk
sufisiente ba konsume TL nian, tanba nee governu liu husi Ministeriu
komersiu industria, nafatin importa fos husi Vietnam hodi asegura
siguransa alimentar iha rai laran,”dehan Niviu.
Nia mos informa liu tan katak, TL bele
reduz importasaun fos husi rai liur maibe, Ministeriu Agrikultura no
povu agrikultor sira tenke servisu makas no badinas diak liu tan atu
nunee, bele hasae produsaun agrikula iha rai laran.
Iha parte seluk Reprezentante povu iha
uma fukun Parlamentu Nasional, Deputada Brigida Correia hateten, durante
nee TL depende makas ba fos importasaun husi rai liur, signifika povu
Vietnam Kuda Governu TL Sosa, problema nee akotese tanba produsaun rai
laran seidauk sufisiente.
Ita nia governu halo ona esforsu lubuk
ida hanesan, fahe tracktor, hand tracktor, apoiu konbustivel hodi fila
rai gratuita maibe, realidade neebe akontese produsaun sei kontinua
menus no dependensia boot ba fos importasaun kontinua aas, tan nee atu
hasae produsaun maka, servisu estensionista sira nian iha baze tenke
lao diak,”informa nia.
Nunee mos Too notisia nee hatun STL,
seidauk hetan konfirmasaun husi Ministeriu Agrikultura tanba, Ministru
okupadu hela ho servisu seluk. Madalena Horta
Sumber : STL Online
