DILI-Grupu Feto OCA-TRM
iha Baucau, iha inisiativa diak hodi produs hudi sona (pisang goreng) ho
objetivu atu bele kompete iha merkadu lokal.
Atu avansa sira nia objetivu nee, sira
husu Sekretaria Estadu Politika Formasaun e Empregu (SEPFOPE) atu ajuda
makina hodi produs hudi sona.Liafuan hirak nee hatoo husi membru grupu
OCA-TRM, Natercia Matos da Costa Lemos ba STL iha Dom Bosco Dili,Kinta
(14/9/2017). Nia hateten, produtu neebe sira podus hanesan hudi sona
durante nee, sira hatama iha loja sira iha Baucau mak hanesan Loja
Mateus, Loja Bebloiribon, Loja Kadaria nomos Supermarket Nagarjo no loja
sira iha Dili hanesan Loja WW Four,Loja Kmanek,Loja Jacinto, Plaza no
loja sira seluk.
Nee mak dalaruma lorisusar ba ami. Nomos
mesin hodi koa hudi. Materia primas maka hanesan bahan baku, ami susar
liu mak hudi.Dala ruma ami ba merkadu,kuandu ami presiza tebes, ami
tenki hadau malu ho negosiante sira seluk,” hateten Natercia.
Konaba hasae sira nia kapasidade, nia
konfesa, durante nee sira hetan ajuda husi SEPFOPE no MCIA. Ekipa husi
ministeriu rua nee makfo treinamentu no ekipamentus mesin press.Nomos fo
opurtunidade ba sira hodi halo estudu komparativu iha Indonesia hodi
haklean sira nia kreatividade.
Iha fatin hanesan Komprador Januario de
Jesus aumenta katak, hudi neebe grupu refere produs, kuandu han sente
diak tebes. “La uza bahan kimia. Neebe hau senti ita nia negosiante
tenki hasae no avansa sira nia produtu nee iha merkadu nasional, duke
ita konsumu fali hahan husi railiur,” nia dehan.
Relasiona ho nee, nia rekomendaba SEPFOPE
no MCIA atu ajuda grupu feto sira mak iha inisiativa hakarak produs ba
prudotu lokal para tau mos iha merkadoria hanesan loja sira. Estajiadu UNTL-5
Sumber : STL online
