BAUCAU– Feto tenki aprende barak maske, iha ona servisu seluk maibe tenki buka aprende nafatin, para nunee bele kompete ho mane sira.
Durante ita moris iha mundu aprende nee
sei lahotu ba ita, maske ita hetan ona oportunidade husi fatin seluk,
maibe aprende nee kontinua nafatin. Atu nunee ita iha konesementu neebe
maka klean husi parte hotu, nunee bele kompete iha fatin neebe deit maka
persija feto inklina aan ba, tanba nee feto persija aprende husi buat
hotu maske foun ba ita hotu,” katak Presidenti Afehabad, Regina de Sousa
ba STL, wainhira hasoru malu iha nian knaar fatin Lanut, Sesta
(08/09/2017).
Nian hatutan, labele kontenti ho
oportunidade neebe maka iha hodi hapara estuda no esporsu husi fatin
seluk, maibe koko nafatin estuda no esforsu aan makaas iha kualker
aktividade seluk no koko partisipa iha kualker aktividade neebe deit.
Atu nunee bele iha konesementu klean liu tan iha kualker aktividade.
Ita mos labele kontenti ho oportunidade
neebe maka iha no oportunidade neebe maka ita hetan ona iha servisu
fatin hodi hapara ita nian estuda. Maibe ita mos koko aprende no estuda
barak liu tan, husi kualker aktividade seluk neebe maka iha. Aprende nee
laiha limitasaun ba ita hodi estuda no aprende, wainhira ita moris iha
mundu estuda no aprende nee lapara ba ita hotu, bainhira mate maka
aprende nee para,” haktuir nia.
Nian sublina, aprende barak atu nunee
ikus hetan oportunidade seluk neebe maka iha, ita koko lao tan ho
servisu foun neebe maka iha, labele garantia ho servisu ida deit neebe
maka hetan ona, maibe aprende barak. Atu nunee ikus para ho servisu
neebe maka iha, koko lao tan ho servisu seluk neebe maka iha, tanba iha
koinesementu diak ona. Emerenciana Pinto
Sumber : STL Online
