DILI—Politika lideransa
nian iha prosesu demokratizasaun sei sai risku ba governasaun. Tanba
partidu nebe maka lidera governu nee ho kadeira minoria entaun bele
hamosu elisaun antisipada.
Lia fuan hirak nee hato husi Diretor
Ezekutivu Arsenio Pereira da Silva ba STL iha nia servisu fatin Kaikoli
Dili Sesta, (22/9/2017). Nia hatutan tan katak, sai polimika iha publiku
dehan parte balun dehan sei la akontese eleisaun antisipada. Maibe tuir
konstituiosaun katak sei mosu elisaun antisipada.
Hau hanoin prosesu demokratizasaun hau hanoin katak governu lao diak ka ladiak apoiu ka la apoiu nee depende ba parlamentu. Tanba politika sira parlamentu prezemplu kaundu to votasaun depende membrus parlamentu maka deside iha neba,”nia dehan.
Maibe tuir informasaun nebe iha media
sosial sira dehan iha ema balun nebe nudar ema sidadaun Timor iha
direitu no liberdade atu halo interpertasaun ba lei konstituisaun nebe
maka iha. Direitu sidadaun bele hato ba Tribunal Rekursu konaba dezisaun
nebe foti husi Prezidente Republika tuir lei.
Vise Retor III Universidade Dili (UNDIL)
Andre da Costa Belo dehan katak demokrasia politika bele kualia maibe
tuir lei katak orsamentu jeral estadu kuandu lapasa dala rua konsidera
katak governu monu. No governasaun labele dura to tinan lima mai tanba
votu minoria maka lidera governu.
Sekertariu Jeral Konfederasaun Sindikatu
Timor Leste (KSTL) Jose da Conceicao da Costa dehan formasaun governu
mezmu ho prosesu nebe kleur maibe povu Timor Leste iha nafatin esperansa
ba governu foun ida nee. Ida nee signifika katak povu hein programa no
dezenvolvimentu nebe maka governu ida nee sei halo. Justinho Manuel
