Presiza Hadia Estrada Fatuberliu

FATUBERLIHU-Adimistrador Postu Fatuberliu, Gil Teofilho Amaral husu VII Governu Konstitusional presiza hadia kondisaun estrada Fatuberliu. Kondisaun dalan ba-mai Fatuberlihu barak mak aat, fo impaktu boot tebes ba movimentu transporte privadu no transporte publiku.

Durante nee ita nia governu, liliu Obras Publiku latau atensaun ba kondisaun esrtada iha Fatuberlihu. Nunee mos agrikultura, ministeriu relevante latau atensaun. Iha area Kosta Sul nee, area natar barak abondonadu, afinal area Kosta Sul nee bele dehan area neebe potensia boot no estratejiku tebes ba agrikultur,” hateten Gil Teofilho Amaral ba jornalista iha Igreja São Fransisco de Asis Ue-Qiar, Tersa  (19/9/2017).

Nia hateten, natar barak iha Kosta Sul nee abandonadu tamba irigasaun barak mos abandonadu. Lahalo konstruksaun, governu nasional laiha programa atu hadia.

Hau espera, governasaun foun presiza tau matan,” nia dehan.

Estrada importante tebes ba area Fatuberliu tamba Postu Fatuberlihu kompostu husi suku 5. Too agora, suku balu hetan ona estrada, i suku  balu too agora seidauk. I durante tinan 15 ukun aan, povu barak seidauk hetan benefisiu husi dezenvolvimentu nasional. Tamba governasaun foun tenki atu tau matan ba area Postu Adimintrativu Fatberlihu.

“Ami sujere reprezenta povu nia liman ain iha postu administrativu ida nee,atu rekomenda hela ba governu foun aban bairua pelumenus labele halo tinan ida mais, tenke iha programa ona ba tinana 5 nee pelumenus hatan netik preokupasaun povu nian, Tanba ohin loron povu matenek ona labele hein deit iha eleisaun mak mai halo promesa ”nia sujere.


Sumber : STL Online