 |
BAUCAU - Husi Janeiru-Agosto 2017 Sekretariadu Estadu Politika Formasaun Professional e Emprego (SEPFOPE), Munisipiu Baucau rezistu estudante ho total 599 pessoas kompostu husi mane 327 no feto 272 tuir formasaun iha area oi-oin iha sentru formasaun CDC, Vizaun Foin Sae, Ponte Leste, Canossa no DIT.
Hahu husi janeiru too mai iha agostu 2017
estudante neebe maka mai rezistu hamutuk 599 pessoas kompostu husi mane
327 no feto 272,”dehan Diretor SEPFOPE Munisipio Baucau Romaldo A. De
Sousa ba STL Kuarta (06/09) iha nian knaar fatin SEPFOPE Baucau.
Nia hatutan husi estudante hirak sei tuir
formasaun no sentru formasaun neebe maka simu joven sira nee maka
hanesan sentru formasaun CDC neebe halai liu ba agrikultura, sentru
formasaun vizaun foin sae neebe halai liu formasaun geral, sentru
formasaun ba Ponte Leste nee halai liu ba informatika inklui mos sentru
formasaun Canossa Baucau nian neebe halai liu ba area ospitalidade,
administrasaun agrikultura no sentru formasaun DIT.
Husi sentru formasaun nee 6 nee balun
gradua ona mak iha area 3 nee mak hanesan agrikultura, informatika, no
ponte leste estudante sira nee hamutuk 120 pessoas komposto husi mane 66
no feto 54, no hela sentru formasaun tolu maka seidauk gradua maibe
tuir planu sei gradua iha Dezembro 2017
Hahu husi janeiru mai iha Agostu ba estudante neebe maka graduadu ba formasaun nee hamutuk tolu maka hanesan agrikultura, ponte leste no imformatika no Dit nian”dehan Diretor SEPFOPE.
Oras nee dadaun, Sentru tolu 3 formasaun
lao hela maka hanesan sentru formasaun iha Canossa total 45 pessoas maka
tuir hela formasaun, inklui mos vizaun foin sae kona ba area
administrasaun geral no mos informatika nian feto 5 no mane 5 pessoas.
Nunee mos ba formasaun lingua Korea neebe maka oras nee lao hela total
54 pessoas mane 41 feto 13, sei halo gradua iha 5 Dezembro. Nia
akrezenta ba estudante neebe maka gradua ona sei kontinua halo servisu
iha NGO Sira, atu nunee bele aumenta tan sira
nian kapasidade atu nunee iha vaga ruma sira bele aplay no karik laiha
vaga halo proposta ba iha SEPFOPE atu bele kria servisu ba ann rasik.
“Wainhira halo tiha graduasaun estudante
sira kontinua halo servisu iha fatin seluk wainhira NGO ruma persija iha
fulan 6 nian laran, entaun sira ba aprende atu nunee bele aumenta tan
esperensia, karik iha vaga ruma sira bele aplay, karik laiha vaga sira
bele hatama fali proposta mai iha sefope konaba kria servisu ba ann
rasik” tenik nia. Emerenciana Pinto
Sumber : STL Online
