DILI – Planu Prioridade
Ministeriu Agrikultura e Peskas (MAP) nian maka, tenke diversifika no
aumenta produsaun aihan iha rai lalan maka hanesan Pekuaria, Peskas, no
veterinaria.
Hau hanoin Ministeriu sei tau importansia ba planu sira neebe ita konsideira prioridade tebes, maibe problema agrikultura nee, ligasaun ho mudansa klimatika tanba nee atu hasae produsaun aihan iha rai laran maka, tenke haree mos ho klima iha rai laran,” informa Ministru Agrikultura Estanislau Aleixo da Silva ba Jornalista Kuarta (20/09/2017) iha Hotel Arbiru Beach Pantai Kelapa Dili.
Ministru nee mos informa liu tan katak,
iha tinan kotuk MAP konsege kuda fini ba rai kuaze, 10 mil hektares,
maibe nia produsaun ladun diak tanba udan been ladiak ou impaktu husi
mudansa klimatika, ida nee mos sai problema ida.
Iha fatin hanesan, membru CCI-TL, Mateus
de Araujo mos hatutan, planu Ministeriu nian nee importante tebes, tanba
durante nee governu ida tun no governu ida sae maibe haree ba setor
sira nee sei dauk dezenvolve diak.
Hau hanoin publiku sira hein hela planu governu sira nian nee atu implementa duni ka lae tanba iha Ministeriu balun husu osan boot maiba ninia ezekusaun iha baze nee la hotu, tanba la lao tuir planu neebe sira rasik aprezenta ona,”informa nia.
Nunee mos Reprezentante povu iha uma
fukun Parlamentu Nasional, Deputadu Mericio Akara hateten, ema hotu hein
implementasaun iha baze programa no planu sira nee lao duni ka lae,
tanba haree ba produsaun rai laran nia kuantidade kontinua tun, maibe ho
esforsu governu ida nee nian bele dezenvolve setor agrikultura no
peskas ho diak. Madalena Horta
